இந்திய சந்தையில் கிடைக்கின்ற டர்போ பெட்ரோல் கார்களில் ரூபாய் 10 லட்சத்துக்கும் குறைந்த விலையில் உள்ள சிட்ரோன் C3 ஹேட்ச்பேக் மாடல் மிக சிறப்பான ஃபன் டூ டிரைவிங் அனுபவத்தை வழங்குகின்றது.
82 PS வெளிப்படுத்துகின்ற 1.2 லிட்டர் சாதரண பெட்ரோல் என்ஜினில் 5 வேக மேனுவல் மற்றும் 110 PS வெளிப்படுத்துகின்ற 1.2 லிட்டர் டர்போ பெட்ரோல் என இரண்டு என்ஜின்களை பெறுகின்ற சி3 காரில் 6 வேக மேனுவல் கியர்பாக்ஸ் மட்டுமே கொடுக்கப்பட்டுள்ளது.
Citroen C3
சிட்ரோன் சி3 ஹேட்ச்பேக் ஆரம்ப விலை ரூ.6.16 லட்சம் முதல் ரூ.9.07 லட்சம் வரை நிர்ணயம் செய்யப்பட்டுள்ள நிலையில் 82 PS பவர் மற்றும் 115Nm டார்க் வெளிப்படுத்துகின்ற 1.2 லிட்டர் Puertech 82 சாதரண பெட்ரோல் என்ஜினில் 5 வேக மேனுவல் கியர்பாக்ஸ் பொருத்தப்பட்டுள்ளது. இந்த மாடலின் மைலேஜ் லிட்டருக்கு 19.3 கிமீ ஆக உள்ளது.
110 PS பவர் மற்றும் 190Nm டார்க் வெளிப்படுத்துகின்ற 1.2 லிட்டர் Puertech 110 டர்போ பெட்ரோல் என்ஜினில் 6 வேக மேனுவல் கியர்பாக்ஸ் பொருத்தப்பட்டுள்ளது. இந்த மாடலின் மைலேஜூம் லிட்டருக்கு 19.3 கிமீ ஆக உள்ளது.
| Citroen C3 Variant | Ex-showroom Price | on-road Price |
|---|---|---|
| Live | ₹ 6,16,000 | ₹ 7,47,654 |
| Feel | ₹ 7,23,000 | ₹ 8,71,432 |
| Feel Dual Tone | ₹ 7,38,000 | ₹ 8,91,653 |
| Feel Vibe Pack | ₹ 7,38,000 | ₹ 8,91,653 |
| Feel Dual Tone Vibe Pack | ₹ 7,53,000 | ₹ 9,06,543 |
| Shine | ₹ 7,75,800 | ₹ 9,27,431 |
| Shine Vibe Pack | ₹ 7,87,800 | ₹ 9,47,321 |
| Shine Dual Tone | ₹ 7,90,800 | ₹ 9,50,432 |
| Shine Dual Tone + Vibe Pack | ₹ 8,02,800 | ₹ 9,65,214 |
| Turbo Feel Dual Tone | ₹ 8,43,000 | ₹ 10,10,876 |
| Turbo Feel Dual Tone Vibe Pack | ₹ 8,58,000 | ₹ 10,28,542 |
| Shine Turbo Dual Tone | ₹ 8,95,800 | ₹ 10,71,453 |
| Shine Turbo Dual Tone + Vibe | ₹ 9,07,800 | ₹ 10,86,321 |
(All price onroad Tamil Nadu)
சிட்ரோன் பெரிய அளவில் டெக் சார்ந்த அம்சங்களை இணைக்கவில்லை என்றாலும் அடிப்படையான வசதிகளை கொடுத்து பட்ஜெட் விலையில் சிறப்பான காரை விற்பனை செய்து வருகின்றது.
டர்போ பெட்ரோல் என்ஜின்களில் ஆரம்ப நிலை வேரியண்டுகளாக ஹூண்டாய் i20 என்-லைன், நிசான் மேக்னைட், ரெனால்ட் கிகர், டாடா நெக்ஸான், மஹிந்திரா எக்ஸ்யூவி 300, ஹூண்டாய் வெனியூ போன்ற கார்களில் டர்போ பெட்ரோல் என்ஜின் கிடைத்தாலும் ரூ.9-10 லட்சத்துக்கு குறைந்த விலையில் ஆரம்ப நிலை வேரியண்டின் எக்ஸ்ஷோரூம் விலை துவங்கினாலும் சி3 கார் மட்டுமே 8.43 லட்சத்தில் துவங்கி டாப் வேரியண்டும் ரூ.10 லட்சத்துக்குள் அமைந்துள்ளது.
