ஓலா எலக்ட்ரிக் நிறுவனம் அறிமுகம் செய்த புதிய S1 சீரிஸ் ஸ்கூட்டர்களான S1 Pro, S1X, S1X+ மற்றும் S1 air ஆகிய மாடல்கள் ஒட்டுதொத்தமாக 75,000 முன்பதிவுகளை அறிமுகம் செய்த ஆகஸ்ட்15 முதல் தற்பொழுது வரை பெற்றுள்ளதாக உறுதிப்படுத்தியுள்ளது.
ஓலா செய்தித் தொடர்பாளர் கூறுகையில், “எங்கள் புதிய S1 வரிசைக்கு கிடைத்துள்ள வரவேற்பு நாங்கள் மகிழ்ச்சியடைகிறோம். மின் வாகன மயமாக்கலில் ஆதரிக்கும் தெளிவான பார்வையுடனும் நாங்கள் பணியாற்றி வருகிறோம். எஸ்1 ப்ரோ, எஸ்1 எக்ஸ் போர்ட்ஃபோலியோ மற்றும் சமீபத்தில் அறிமுகப்படுத்தப்பட்ட எஸ்1 ஏர் உள்ளிட்ட எங்களின் புதுப்பிக்கப்பட்ட ஸ்கூட்டர்களின் மூலம் அமோக வரவேற்பினை பெற்றுள்ளோம், என தெரிவித்துள்ளார்.
Ola S1 series
தற்பொழுது ஓலா S1 Pro எலக்ட்ரிக் ஸ்கூட்டரின் புதிய எஸ்1 ப்ரோ ஜென் 2.0 மாடலில் 4Kwh லித்தியம் ஐயன் பேட்டரி கொண்ட S1 Pro மாடல் அதிகபட்சமாக 11Kw பவர், டாப் ஸ்பீடு 120kmph கொண்டு சிங்கிள் சார்ஜில் 195 கிலோமீட்டர் என குறிப்பிடப்பட்டுள்ளது. நிகழ்நேரத்தில் 160 கிலோமீட்டர் ஈக்கோ மோடில் கிடைக்கலாம்.
Ola S1 Pro Gen 2 விலை ரூ.1,47,499
ஓலா எஸ்1 ஏர் மாடலில் ஸ்கூட்டரில் 3kWh பேட்டரி ஆப்ஷனை கொண்டுள்ளது. பொதுவாக, 4.5Kw பவரை வெளிப்படுத்துகின்ற ஸ்கூட்டரின் அதிகபட்ச வேகம் 90KM/hr ஆகும். 0-100% சார்ஜிங் செய்ய அதிகபட்சமாக 4.5 மணி நேரம் தேவைப்படும்.
முழுமையான சிங்கிள் சார்ஜிங் மூலம் அதிகபட்சமாக 125 கிலோ மீட்டர் ரேஞ்சு வழங்கும் என ஓலா தெரிவித்துள்ளது.
Ola S1 air விலை ரூ.1,19,999
அடுத்து, ஓலா S1X 2Kwh பேட்டரி பெற்ற வேரியண்ட் அதிகபட்சமாக 85 kmph வேகம் பெற்று சிங்கிள் சார்ஜில் 91 கிமீ பயணிக்கலாம் என குறிப்பிடப்பட்டுள்ளது.
3Kwh பேட்டரி பெற்ற வேரியண்ட் அதிகபட்சமாக 90 kmph வேகம் பெற்று சிங்கிள் சார்ஜில் 151 கிமீ பயணிக்கலாம்.
Ola S1X 2 kwh – ₹ 89,999
Ola S1X 3kwh – ₹ 99,999
Ola S1X+ – 1,09,999
(அனைத்தும் எக்ஸ்-ஷோரூம் விலை)
