இந்தியாவில் ஹோண்டா நிறுவனம் 125சிசி சந்தையில் முதன்மையான தயாரிப்பாளராக உள்ள நிலையில், புதிதாக வந்துள்ள CB125 ஹார்னெட் Vs SP125 Vs ஷைன்125 என மூன்று மாடல்களின் ஒப்பீடு, முக்கிய வித்தியாசங்கள் மற்றும் விலைப் பட்டியலை அறிந்து கொள்ளலாம்.
ஹோண்டா 125சிசி பைக்குகள் விலைப் பட்டியல்
ஷைன் 125 ஆன்-ரோடு விலை ரூ.98,198 லட்சம் முதல் ரூ.1.06 லட்சம் வரையும், எஸ்பி 125 ஆன்-ரோடு விலை ரூ.1.07 லட்சம் முதல் ரூ.1.13 லட்சம் வரையும், இறுதியாக சிபி 125 ஹார்னெட் விலை ரூ.1,23,168 ஆக உள்ளது.
| Honda 125cc | Price | on-road Price |
| Shine 125 | Rs 81,042-85,401 | Rs 98,198-1,05,189 |
| SP125 | Rs 88,171-92,679 | Rs 1,06,932-1,12,879 |
| CB125 Hornet | Rs 1,02,769 | Rs 1,23,168 |
GST 2.0 Price updated 25/09/2025
ஹோண்டா 125cc எஞ்சின் ஒப்பீடு
ஹோண்டாவின் மூன்று 125சிசி பைக்குகளில் உள்ள ஒரே 123.94cc எஞ்சின் மாடலுக்கு ஏற்ப பவர் மற்றும் டார்க் சிறிய அளவில் மட்டுமே மாறுதல்கள் செய்யப்பட்டுள்ளது. ஷைன் 125 பவர் 10.63hp, 11Nm டார்க் , அடுத்து எஸ்பி 125 மாடல் பவர் 10.72hp, 10.8Nm டார்க் மற்றும் ஸ்டீரிட் ஃபைட்டர் தோற்றத்தை பெற்ற CB125 ஹார்னெடின் பவர் 11hp, 11.2Nm டார்க் வெளிப்படுத்துகின்றது. அதே நேரத்தில் மூன்று மாடல்களும் 5 வேக கியர்பாக்ஸ் பெற்றுள்ளது.
| Variant | Power | Torque |
| Shine 123.94cc | 10.63hp at 7,000Rpm | 11Nm at 6,000Rpm |
| SP125 123.94cc | 10.72hp at 7,000Rpm | 10.8Nm at 6,000Rpm |
| CB125 Hornet 123.94cc | 11hp at 7,000Rpm | 11.2Nm at 6,000Rpm |
சஸ்பென்ஷன், பிரேக்கிங் மாற்றங்கள்
டைமண்ட் வகை சேஸிஸ் பெற்ற மூன்று பைக்குகளில் பொதுவாக 130 மிமீ டிரம் பிரேக்கினை பின்புறத்தில் பெற்றாலும் முன்புறத்தில் ஷைன் 125, எஸ்பி 125 என இரண்டும் டிஸ்க் அல்லது டிரம் என இரு ஆப்ஷனை பெற்று கம்பைன்டு பிரேக்கிங் சிஸ்டத்துடன் சஸ்பென்ஷனில் டெலிஸ்கோபிக் ஃபோர்க் மற்றும் பின்புறத்தில் ட்வீன் ஷாக் அப்சார்பர் உள்ளது.
சிபி 125 ஹார்னெடில் சிங்கிள் சேனல் ஏபிஎஸ் உடன் டிஸ்க் பிரேக்கினை பெற்று முன்புறத்தில் கோல்டன் அப்சைடு டவுன் ஃபோர்க்கு பெற்று பின்புறத்தில் மோனோஷாக் சஸ்பென்ஷன் உள்ளது.
பாடி கிராபிக்ஸ் மற்றும் டிசைன் மாற்றங்கள்
சிபி 125 ஹார்னெட் மோட்டார்சைக்கிளின் தோற்றம் மிகவும் நவீனத்துவமாக ஸ்போர்ட்டிவ் நேக்டூ ஸ்டீரிட் ஃபைட்டர் போல அமைந்து கோல்டன் யூஎஸ்டி ஃபோர்க், 17 அங்குல வீலில் நிறத்துக்கு ஏற்றதாவும், ஸ்பிளிட் இருக்கை, டிஎஃப்டி கிளஸ்ட்டருடன் கனெக்ட்டிவிட்டி வசதிகள் போன்றவற்றுடன் எல்இடி விளக்குகளை ஸ்பிளிட் முறையில் அமைந்துள்ளது.
கம்யூட்டர் சந்தைக்கு ஏற்றதாக ஷைன் 125 பைக்கில் வழக்கமான பாடி கிராபிக்ஸ் உடன் மிக நேர்த்தியாக அமைந்துள்ள டேங்க் மற்றம் எல்சிடி கிளஸ்ட்டர் என மிக எளிமையான டிசைனை கொண்டுள்ளது.
எஸ்பி 125 சற்று ஸ்போர்ட்டிவான டிசைனை தக்கவைத்துக் கொண்டு டிஎஃப்டி கிளஸ்ட்டர் பெற்று கனெக்ட்டிவிட்டி வசதிகளுடன் எல்இடி ஹெட்லைட் என பலவற்றை பெற்றதாக அமைந்துள்ளது.
