கவாஸாகி நிறுவனம், இன்லைன் 4 சிலிண்டர் பெற்ற சக்திவாயந்த நின்ஜா ZX-4R அல்லது நின்ஜா ZX-6R இரண்டில் ஏதேனும் ஒரு மாடலை செப்டம்பர் 11 ஆம் தேதி விற்பனைக்கு அறிமுகம் செய்ய உள்ளது.
சர்வதேச அளவில் பல்வேறு நாடுகளில் விற்பனை செய்யப்பட்டு வருகின்ற நின்ஜா ZX-4R இந்தியாவில் முழுமையாக வடிவமைக்கப்பட்டு இறக்குமதி (CBU) செய்து விற்பனை செய்யப்பட உள்ளது.
Kawasaki Ninja ZX-4R
கவாஸாகி நின்ஜா ZX-4R பைக்கில் பொருத்தப்பட்டுள்ள 399cc, இன்-லைன், நான்கு-சிலிண்டர், லிக்யூடு கூல்டு என்ஜின் ரேம் ஏர் உதவியுடன் 14,500rpm-ல் 80bhp மற்றும் 13,000rpm-ல் 39 Nm வெளிப்படுத்துகின்றது. இதில் ஆறு-வேக கியர்பாக்ஸ் இணைக்கப்பட்டுள்ளது மற்றும் க்விக் ஷிஃப்டரும் உள்ளது.
இசட்எக்ஸ்-4ஆர் பைக் மாடலில் நிசின் நிறுவன நான்கு-பிஸ்டன் ரேடியல் காலிப்பர்களுடன் முன்பக்கத்தில் ட்வீன் 290mm டிஸ்க் பிரேக்கிங் பெற்றும் பின்புறம் ஆக்சிஸ் மாஸ்டர் சிலிண்டரைப் பெற்று 220 mm டிஸ்க் உடன் இரட்டை சேனல் ஏபிஎஸ் உள்ளது. டயர் அளவுகள் 120/70-ZR17 முன் மற்றும் 160/60-ZR17 பின்புறம் பெற்றுள்ளது.
கவாஸாகியின் ரைடாலஜி ஆப் மூலம் ஸ்மார்ட்போன் இணைப்பினை பெற 4.3-இன்ச் டிஎஃப்டி டேஷ்போர்டு, சொந்த த்ரோட்டில் மேப்பிங்குடன் ஒவ்வொன்றும் நான்கு பவர் மோடுகளை பெறுகிறது, மேலும் ரைடர் எய்ட்களில் டிராக்ஷன் கட்டுப்பாடு மற்றும் விரைவு ஷிஃப்ட்டர் ஆகியவை பெற்றுள்ளது.
மேலும் படிக்க – கவாஸாகி ZX-6R பைக் பற்றிய விபரம்
